Gosa doaimmahan váidinlohpeohcamuša ja váidaga?

Siiddu sisdoallu

Sáhtát doaimmahit áššegirjjiid alimus hálddahusriektái:

  • elektrovnnalaš áššiiddikšunvuogádaga bokte
  • šleađgapoasttain
  • poasttain
  • fáksain
  • persovnnalaččat
  • áššeolbmo dahje sáttatolbmo bokte

Elektrovnnalaš áššiiddikšunbálvalus

Elektrovnnalaš áššiiddikšunbálvalus lea diehtodorvvolašvuođa dáfus sihkkareamos vuohki dikšut áššiid duopmostuoluin. Bálvalus láidesta du almmuhit dárbbašuvvon dieđuid ja dahká dutnje vejolažžan geahčadit duopmostuolu sádden áššegirjjiid.

Loga eambbo elektrovnnalaš áššiiddikšunbálvalusas duopmostuollolágádusa neahttasiidduin (suomagillii)

Sádde váidinlohpeohcamuša ja váidaga elektrovnnalaš áššiiddikšunbálvalusa bokte:

Sirdás hálddahus- ja sierraduopmostuoluid elektrovnnalaš áššiiddikšunbálvalussii (suomagillii)

Šleađgapoasta alimus hálddahusrievtti registrerenkantuvrii

Rievdadusohcanáššái laktáseaddji šleađgapoastta galgá álo sáddet alimus hálddahusrievtti virgedoaimmahatšleađgapostii. Alimus hálddahusrievtti bargoveaga virgešleađgapoasttat eai leat oaivvilduvvon dán várás. Registrerenkantuvrra šleađgapoastačujuhus lea: korkein.hallinto-oikeus(at)oikeus.fi. Molsso (at)-mearkka @-mearkan, go sáddet šleađgapoastta.

Juos geavahat šleađgapoastta, oaččut lihkostuvvan sáddema maŋŋá automáhtalaš almmuhusa dahjege vuostáiváldinalmmuhusa. Dušše alimus hálddahusrievttis boahtán vuostáiváldinalmmuhus lea luohtehahtti duođaštus das, ahte sádden lea lihkostuvvan. Juos it leat ožžon vuostáiváldinalmmuhusa, sihkkarastte ahte du diehtu lea ollen váldimiin oktavuođa alimus hálddahusrievtti registrerenkantuvrii. Fuomáš goitge, ahte automáhtalaš vuostáiváldinalmmuhus sáhttá teknihkalaš sivaid dihte ádjánit.

Geavat dárbbu mielde dorvodieđu

Sáhtát sáddet čiegusindollojuvvon ja rašes áššegirjjiid riekteministeriija dorvodieđu bokte. Bálvalusa geavaheapmi lea nuvttá ja dorvvolaš.

Šleađgapoastta sádden dorvodiehtun (suomagillii)

Poasttain

Sáhtát sáddet áššegirjjiid maid poasttain alimus hálddahusriektái. Čujuhus lea:

Korkein hallinto-oikeus
PL 180
00131 Helsinki

Fáksain

Áššegirjjiid sáhttá sáddet maid fáksain nummirii 029 56 40382

Persovnnalaččat

Áššegirjjiid sáhttá buktit maid persovnnalaččat dahje áššeolbmo dahje sáttatolbmo bokte alimus hálddahusrievtti registrerenkantuvrii Helssegii virgedoaimmahaga rabasáiggiid árgan diibmu 8–16.15. Alimus hálddahusrievtti galledančujuhus lea:

Korkein hallinto-oikeus
Fabianinkatu 15
00130 Helsinki