Guđe dáhpáhusain váidinlohpi mieđihuvvo?

Láhka riektegeavvamis hálddahusáššiin lea guovddáš dábálaš láhka, mainna ásahuvvo váidinlobi mieđiheami eavttuin dahjege váidinlohpeákkain.

Lága mielde alimus hálddahusriekti galgá mieđihit ohccái váidinlobi, juos:

• lága guoskadeami dáfus eará seammalágan dáhpáhusain dahje riektegeavada oktilašvuođa dihtii lea dehálaš buktit ášši alimus hálddahusriektái čoavdin láhkai (nu gohčoduvvon ovdamearráduságga);
• ášši lea vuogas buktit alimus hálddahusriektái čoavdin láhkai erenomážit dalle, go áššis lea geavvan čielga feaila; dahje
• váidinlobi mieđiheapmái lea eará duođalaš sivva.

Alimus hálddahusriekti sáhttá mieđihit váidinlobi maiddái nu, ahte dat guoská dušše muhtin oassái mearrádusas, masa rievdadusohcan guoská.

Muhtin hálddahussurggiin leat iežaset njuolggadusat, mat sáhttet dievasmahttit dahje ráddjet váidinlohpeortnega, ovdamearkka dihtii vearuhanmeannudanláhka ja olgoriikalašláhka.