Manahuvvon mearreáiggi máhcaheapmi
Alimus hálddahusriekti sáhttá máhcahit manahuvvon mearreáiggi dasa, gii lágalaš eastaga dahje eará erenomáš duođalaš siva dihtii ii leat sáhttán mearreáiggis:
- bidjat johtui njulgengáibádusa dahje ohcat nuppástusa mearrádussii; dahje
- vuolggahit eará doaibmabijuid hálddahusmeannudeamis dahje hálddahusášši riektegeavvamis.
Ná ozat manahuvvon mearreáiggi máhcaheami
- Daga ohcamuša čálalaččat
- Almmut ohcamušas, man mearreáigái du ohcamuš guoská
- Ovdanbuvtte ohcamušas čielggadeami ákka, mainna ozat máhcaheami
- Lavtte ohcamuššii áššegirjjiid, maidda du ohcamuš vuođđuduvvá
- Daga ohcamuša 30 beaivvi siste lágalaš eastaga nohkama maŋŋá
- Sádde ohcamuša alimus hálddahusrievtti registrerenkantuvrii dahje divššo áššiid elektrovnnalaš áššiiddikšunbálvalusas
Juos ohcamuš vuođđuduvvá eará erenomáš duođalaš sivvii, ođđa mearreáiggi galgá ohcat jagi siste originála mearreáiggi nohkama maŋŋá. Manahuvvon mearreáigi sáhttá erenomáš duođalaš sivaid vuođul máhcahuvvot maŋŋelabbos dahkkojuvvon ohcamuša vuođul.