Man guhká ášši gieđahallan bistá?

• Áššit, main ii mieđihuvvo váidinlohpi, gieđahallojuvvojit alimus hálddahusrievttis gaskamearálaččat vuollil guđa mánus.
• Áššiin, main váidinlohpi mieđihuvvo, gieđahallanáigi lea gaskamearálaččat sullii jagi.

Alimus hálddahusriekti figgá gieđahallat áššiid dan ortnegis, go dat leat boahtán johtui. Dihto áššit, dego ovdamearkka dihtii mánáidsuodjalussii, virgeolbmo eretcealkimii dahje pasieantta dáhtus sorjjasmeahttun dikšui laktáseaddji váidagat gieđahallojuvvojit goitge hohpolažžan.

Ovttaskas ášši gieđahallanáigi sáhttá leat oanehut dahje guhkit go gaskamearálaš gieđahallanáigi. Ášši gieđahallanáigái sáhttet váikkuhit eará áššiid lassin ášši kvalitehta dego vuoigatvuođalaš gáibideaddjivuohta ja viidodat, áššáiosolaččaid stuorra mearri gullanmeannudeami oktavuođas, vejolaš oktavuođat eará rievdadusohcanáššiide, mat leat jođus, gažaldatvuloš áššejoavkku ja alimus hálddahusrievtti almmolaš bargodilli ja dat, leago sáhka áššis, mii lága mielde gieđahallojuvvo hohpolažžan.

Dárkilut statistihkkadieđut čovdojuvvon áššiid guđege áššejoavkku gaskamearálaš gieđahallanáiggiin Duopmostuollolágádusa neahttasiidduide

Alimus hálddahusrievtti jahkemuitalusa Statistihkat-oasis leat dárkilut dieđut čovdojuvvon áššiid gaskamearálaš gieđahallanáiggiin váldoáššejoavkkuid mielde.