Lágafámolašvuođaduođaštus

Lágafámolašvuođaduođaštusa sáhttá addit, go váidináigi nohká. Lágafámolašvuođaduođaštussii guoskevaš bivdaga ja dasa laktáseaddji áššegirjjiid sáhttá doaimmahit alimus hálddahusriektái ovdal go váidináigi nohká. Mearrádusa lágafámolašvuohta merkejuvvo áššegirjjiide, man maŋŋá dat máhcahuvvojit ohccái.

Ná bivddát lágafámolašvuođaduođaštusa

Sádde lágafámolašvuođaduođaštussii guoskevaš čálalaš bivdaga alimus hálddahusrievtti registrerenkantuvrii čujuhussii korkein.hallinto-oikeus(at)oikeus.fi. Buhtte (at)-mearkka šleađgapoasttas @-mearkkain.

Sádde lágafámolašvuođaduođaštussii guoskevaš bivdaga mielddusin:

• hálddahusrievtti dahje márkanrievtti mearrádusa ollásit
• váidinčujuhusa, mii lea leamaš mearrádusa mielddusin
• dieđu das, goas leat ožžon ášši diehtunaddima (omd. vuostáiváldinduođaštus)
•  du poasta- ja rehketčujuhusa.

Alimus hálddahusriekti bearrá duođaštusas 37 euro duođaštusmávssu.

Dát dieđut lágafámolašvuođaduođaštusa addimis leat oppalaččat eaige sierradáhpáhusat dahje spiehkastagat leat čilgejuvvon. Lassidieđuid oaččut alimus hálddahusrievtti registrerenkantuvrras.