Burgin
Alimus hálddahusriekti sáhttá burgit lágafámolaš hálddahusmearrádusa dahje hálddahusduopmostuolu lágafámolaš mearrádusa, juos:
- áššáiosolažžii ii leat addojuvvon riekti gullojuvvot dahje ášši gieđahallamis lea dáhpáhuvvan mii nu eará meannudanfeaila;
- mearrádus vuođđuduvvá dakkár čalbmosit boasttu lága guoskadeapmái dahje feilii, mii lea mearkkašahtti láhkai sáhttán váikkuhit mearrádussii;
- áššái lea boahtán ođđa čielggadeapmi, mii livččii sáhttán mearkkašahtti láhkai váikkuhit áššái, iige leat ohcci sivva, ahte čielggadeapmi ii leat ovdal ovdanbuktojuvvon;
- mearrádus lea nu eahpečielggas dahje váilevaš, ahte das ii boađe ovdan, mot ášši lea čovdojuvvon.
Mearrádusa oažžu burgit dušše, juos mearrádus loavkida priváhtta rievtti dahje juos almmolaš ovdu gáibida mearrádusa burgima.
Burgima ohcan eaktuda riektegeavvanveahki
Eará ohcci go virgeoapmahaš ja hálddahusduopmostuollu galgá mearrádusa burgimii guoskevaš áššis geavahit ášševuoddji, almmolaš riekteveahki dahje lobi ožžon riektegeavvanvehkiin addojuvvon lágas oaivvilduvvon lobi ožžon riektegeavvanveahki.
Riektegeavvama oassebealli oažžu ohcat seammá áššis mearrádusa burgima dušše oktii, juos ášši ii leat erenomáš duođalaš siva dihte vealtameahttun dutkat ođđasit.