Goassážii váidinlohpeohcamuša ja váidaga galgá doaimmahit?

Du oažžun hálddahusrievtti dahje márkanrievtti mearrádusa mildosa rávvagis dahjege váidinčujuhusas lea muitaluvvon mearreáigi goassážii rievdadusa sáhttá ohcat. Váldonjuolggadus lea, ahte váidaga galgá dahkat 30 beaivvi siste hálddahusrievtti mearrádusa diehtunaddimis, vuhtiiválddekeahttá dan beaivvi. Váidináigi sáhttá leat maid oanehut dahje guhkit go dát.

Geahča álo váidinčujuhusas, juos dutnje lea addojuvvon mearrádusa váidináigi. Váidináiggi ii leat vejolaš guhkidit. Váidaga galgá doaimmahit alimus hálddahusriektái mearreáiggi siste. Mearreáiggi maŋŋá boahtán váidagat eai dutkojuvvo.

Elektrovnnalaš áššiiddikšunbálvalusas dahje šleađgapoasttain doaimmahuvvon rievdadusohcančálus galgá leat ollen hálddahusriektái maŋemustá váidináiggi maŋemuš beaivvi áigge. Eará láhkai doaimmahuvvon rievdadusohcančálus galgá leat ollen alimus hálddahusriektái maŋemustá váidináiggi maŋemuš beaivve ovdal diibmu 16.15.

Don it dárbbaš doaimmahit áššegirjjiid sierra báberhámis, juos leat doaimmahan daid elektrovnnalaš áššiiddikšunbálvalusa bokte dahje šleađgapoasttain.

Hás fuomášat, ahte áššegirjjiid doaimmaheamis lea álo sáddejeaddjis alddis ovddasvástádus.