Organisašuvdna

Alimus hálddahusriekti (oaniduvvo AHR) lea alimus hálddahusduopmostuollu. Dat geavaha alimus duopmoválddi hálddahuslágageavahanáššiin. Alimus hálddahusrievttis gieđahallojuvvojit maŋemuš riekteceahkkin oktahatolbmuid, servošiid ja virgeoapmahaččaid váidagat virgeoapmahaččaid dahkan hálddahusmearrádusain.

Alimus hálddahusduopmostuollun dat čoavdá maŋemuš riekteceahkkin gažaldaga hálddahusmearrádusa legitimitehtas. Hálddahusáššiin riektegeavvama oktan oassebeallin lea virgeoapmahaš dahje eará almmolaš dahje almmolaš válddi geavaheaddji oassebealli.

Alimus hálddahusrievtti bargu lea addit riektedorvvu hálddahusáššiin ja rievdadusohcamiid čoavdima bokte gozihit virgeoapmahaččaid mearrádusaid legitimitehta. Seammás alimus hálddahusriekti addá riektedorvvu ovttaskas rievdadusohcanáššiin.

Váidinlohpeduopmostuollu

Alimus hálddahusriekti lea váidinlohpeduopmostuollu. Váldonjuolggadusa mielde vuolit riekteceahki mearrádusaide sáhttá ohcat rievdadusa alimus hálddahusrievttis, juos alimus hálddahusriekti mieđiha áššis váidinlobi. Váldonjuolggadusas leat leahkimin muhtin spiehkastat.

Váidinlohpeortnega dihtii alimus hálddahusrievtti doaimma deaddu lea hálddahusrivttiid ja hálddahusvirgeoapmahaččaid doaibmama stivrejeaddji ovdamearrádusaid addimis.

Mearrádusas loahpalaččat

Alimus hálddahusrievtti čoavddus gohčoduvvo mearrádussan. Mearrádusat leat loahpalaččat, iige dain sáhte šat váidit mange eará duopmostullui. Dákko bokte Eurohpa uniovnna duopmostuollu ja Eurohpa olmmošriekteduopmostuollu eai sáhte rievdadit dahje gomihit našuvnnalaš duopmostuoluid, dego alimus hálddahusrievtti mearrádusaid.

Duopmostuollu nummirin

• Jahkásaš gieđahallanvuloš áššiid mearri lea sullii 4 000. Buot áššiid gaskamearálaš gieđahallanáigi lea sullii 6 mánu; váidinlohpeáššiid 5 mánu ja áššečovdosiid 10 mánu.
• Alimus hálddahusrievttis leat 110 fásta virggi. Dasa lassin duopmostuoluin barget mearreáigásaš virgeolbmot. Bargoveagas sullii bealli leat láhkageavahanbargit ja bealli eará bargit.
• Alimus hálddahusrievtti jahkásaš doaibmagolut leat oktiibuot sullii 14 miljovnna euro. Stuorámus golut šaddet bargoveahkagoluin.

Guovddáš barggut oanehaččat

• Geavahit alimus duopmoválddi hálddahusláhkageavahanáššiin addimiin riekte- ja hálddahuspraktihka stivrejeaddji mearrádusaid bearráigeahččamiin diekko bokte láhkageavaheami iežas doaibmasuorggis ja almmolaš váldegeavaheami lágalašvuođa
• Addit riektedorvvu ovttaskas rievdadusohcanáššiin
• Addit bivdaga vuođul stáhtaráđđái cealkámušaid láhkaásahangažaldagain
• Sáhttá dahkat stáhtaráđđái evttohusaid láhkaásahandoaimmaid vuolggaheamis.