Mearrádusaid almmustahttingeavat

Alimus hálddahusrievtti čoavddusčoahkkáigeassu, loahpaloahpas riektečoahkkima ságajođiheaddji dahká mearrádusa čovdosa almmustahttimis. Mearrádusat almmustahttojuvvojit neahttasiidduin diibmu 9–9.30.

Siiddu sisdoallu

Ovdamearrádus

Ovdamearrádus lea mearrádus, mas lea mearkkašupmi lága guoskadeapmái eará seammalágan dáhpáhusain dahje mat leat muđui vuoigatvuođalaččat mearkkašahttit. Ovdamearrádusat gohčoduvvojedje namain jahkegirjemearrádus 1.4.2024 rádjái.

Buot ovdamearrádusain lea iežas njuolggadusvuloš arkiivanummir, muhto dain lea maid iežaset sierra dovddaldatnummirastinortnet. Ovdamearrádusaid nummirdovddaldagat leat fásta hámis AHR 2026:30, mii lea oaivvilduvvon geavahuvvot, go čujuhuvvo ovdamearkka dihtii čovdosiidda iešguđet oktavuođain. Goittotge AHR siidduin ja Finlex-ortnegis ovdamearrádusaid bajilčállagiin dovddaldagaide lea ohcanteknihkalaš sivaid dihtii lasihuvvon duppalčuokkis oanádusa AHR ja jahkelogu gaskii, ovdamearkka dihtii AHR:2026:30. Vuosttamuš duoppalčuokkis ii leat oaivvilduvvon ieš nummirdovddaldaga oassin iige geavahuvvot čujuheamis.

Ovdamearrádusa čoavddusčilgehus sisttisdoallá ovdamearrádusnummira, ohcansániid, mearrádusa addinbeaivvi ja arkiivanummira, ášši diáranummira, ECLI-dovddaldaga, čoahkkáigeasu riektegažaldagas ja alimus hálddahusrievtti guovddáš loahppabohtosiin, guoskaduvvon riekterávvagiid ja mearrádusa teavstta. Čoavddusčilgehusa lea ráhkadan čoavddusčoakkádus.

Alimus hálddahusrievtti mearrádus čilgejuvvo dain osiin go riektegažaldaga govvideami várás lea dárbu. Váldoáššis mearrádusa teaksta almmustahttojuvvo ollásit, juos ii leat sierra sivva meannudit eará láhkai (omd. riekteveahkkái guoskevaš čoavddusoasi sihkkun).

Čoavddusčilgehus sisttisdoallá vejolaš jienastancealkámuša dahje áššemeannudeaddji sierraoaivila. Čilgehusas namuhuvvojit ášši čoavdán čoakkádusa ságajođiheaddji ja lahtuid namat ja ášši áššemeannudeaddji namma. Juos ovddit gieđahallanceahkki lea leamaš duopmostuollu dahje eará rievdadusohcanlávdegoddi, namuhuvvojit dan čovdosa čilgema oktavuođas vástideaddji namat.

Eará almmustahttojuvvon mearrádusat

Alimus hálddahusriekti almmustahttá joavkkus eará almmustahttojuvvon mearrádusat čovdosiid, mat árvvoštallojuvvojit leat servodatlaččat dahje muđui beroštahttit, muhto mat eai leat čovdosa vuoigatvuođalaš mearkkašumi vuođul almmustahttojuvvon ovdamearrádussan.

Ovddabealde namuhuvvon almmustahttinkritearaid dihtii Eará almmustahttojuvvon mearrádusat eai juohkašuva dássidit alimus hálddahusrievtti iešguđet áššejoavkkuide.

Mearrádusaid anonymiseren

Čoavddusčilgehusat ja mearrádusat almmustahttojuvvojit eanaš anonymiserejuvvon hámis. Dain sihkkojuvvojit priváhttaolbmuid namat ja eará spesifiserendieđut (áššehasnummir, registrerennummir, čujuhus), juos ii leat erenomáš sivva meannudit eará láhkai. Dárbbu mielde namat buhttejuvvojit bustávvadovddaldagaiguin dahje eará láhkai. Bustávat válljejuvvojit alfabehtalaš ortnega mielde iige geavahuvvon bustávain sáhte dovdát olbmuid namaid. Anonymiseren bálvala sihke čiegusindoallangáibádusaid, mat guoskaduvvojit muhtin áššiide, ja almmolaččat neahttapublikašuvnnain čuovvunvuloš heaggadieđuid ja priváhtta suoji.

Fitnodagaid dahje eará servošiid namat eai sihkkojuvvo materiálas, mii almmustahttojuvvo, juos dat ii leat čiegusindoallangáibádusaid dihtii dárbbašlaš. Doaibmanammii dahje ovdamearkka dihtii uhca persovdnafitnodaga nammii gullevaš priváhtta olbmo namma ii goittotge almmustahttojuvvo.

Almmustahttinvuloš mearrádusaid giellaveršuvnnat

Alimus hálddahusrievtti mearrádusat addojuvvojit giellalága mielde juogo suoma- dahje ruoŧagillii ja lassin sámi giellalága 13 §:s oaivvilduvvon dáhpáhusain bivdaga vuođul davvi-, anáraš- dahje nuortalašgillii. Ovdamearrádussan almmustahttinvuloš mearrádusain ráhkaduvvo čoahkkáigeassu sihke suoma- ja ruoŧagillii beroškeahttá das, goappá gillii mearrádus lea muđui čállojuvvon. Eará almmustahttojuvvon mearrádusat -joavkkus almmustahttojuvvon mearrádusat almmustahttojuvvojit dan gillii, mainna mearrádus addojuvvo eaige dat dábálaččat jorgaluvvo nuppi ruovttueatnanlaš gillii. Alimus hálddahusriekti sáhttá neahttasiidduinis dahje riikkaidgaskasaš čoavddusdiehtovuođuin almmustahttit mearrádusaidis dahje daidda guoski čilgehusaid dahje čoahkkáigeasuid maiddái eará gielaide jorgaluvvon hámiin.