Rievdadusohcanášši gieđahallan

Alimus hálddahusrievttis áššit gieđahallojuvvojit váldoáššis čálalaš meannudeamis čálalaš materiála vuođul.

Áššáiosolaččain ja mearrádusa dahkan virgeoapmahaččas lea geatnegasvuohta ovdanbuktit ášši gieđahallamis ja čovdosis dárbbašlaš čilgehusa iežas gáibádusain ja daid ákkain. Alimus hálddahusriekti fuolaha ášši čielggadeamis ja ášši kvalitehta eaktudan viidodagas. Juos ovdamearkka dihtii váidinčálus lea váilevaš, alimus hálddahusriekti bivdá váidi dievasmahttit dan.

Ášši áššemeannudeaddji ráhkada čoavdinvuloš áššis ákkastallojuvvon čoavddusevttohusa čoavddusčoakkádussii, mii dutká ášši ja addá áššis mearrádusa. Ovdal mearrádusbargama alimus hálddahusriekti vihkkedallá buot ovdan boahtán áššiid ja árvvoštallá, mat áššit leat čovdosa dáfus dehálaččat.

Váidinlohpeohcamuša hilgun dahje dohkkeheapmi ja aitosaš váidinášši čovdojuvvo álo alimus riektečoahkkimis, mas leat mielde alimus hálddahusrievtti áššemeannudeaddji ja lahtut dahjege duopmárat.

Juos mearrádusbargamii oassálasti lahtut eai leat čovdosis ovtta oaivilis, das jienastuvvo. Alimus hálddahusriekti addá mearrádusas álo čálalažžan.

Alimus hálddahusriekti gieđahallá dasa boahtán váidinlohpeohcamušaid, váidagiid ja badjelmearálaš rievdadusohcanáššiid váldoáššis vulobealde govviduvvon muttuid mielde. Muttut leat generaliserejuvvon ja ášši gieđahallan soaitá spiehkkasit vulobeale govvádusas ovttaskas dáhpáhusain.

Ovttageardánahttojuvvon govvádus váidinlobi gieđahallamis

Dárkilabbot rievdadusohcanášši gieđahallama muttuin dán siiddus: